កម្មវិធី៖ អភិវឌ្ឍន៍សិល្បៈ
គោលដៅ៖ មនុស្សវ័យក្មេងដែលកំពុងសិក្សា ឬធ្វើការក្នុងវិស័យសិល្បៈ
កម្មវិធីអាហារូបករណ៍សិល្បៈអមតៈ អាន ចនផន ជួយដល់អ្នកដែលមានទេពកោសល្យដើម្បីបន្តអាជីពការងាររបស់ខ្លួនក្នុងវិស័យសិល្បៈ។ កម្មវិធីអាហារូបករណ៍នេះ ជួយដល់សិស្សានុសិស្សអភិវឌ្ឍជំនាញភាពជាអ្នកដឹកនាំ ការគ្រប់គ្រងហិរញ្ញវត្ថុ ការរៀបចំផែនការអាជីពការងារ និងផ្តល់ជូនកញ្ចប់ថវិកាដើម្បីចំណាយលើថ្លៃចូលរួមវគ្គបណ្តុះបណ្តាល និងចំណាយផ្សេងៗទៀតផង។
អាហារូបករណ៍នេះ ផ្តល់ជូនសិស្សសិល្បៈ និងសិល្បករវ័យក្មេងដែលបង្ហាញពីទេពកោសល្យ និងការជំរុញទឹកចិត្តដើម្បីអភិវឌ្ឍន៍ជំនាញសិល្បៈរបស់ខ្លួន – អាទិភាពត្រូវបានប្រគល់ជូនបេក្ខជនដែលពុំសូវទទួលបានឱកាសនេះ។
នៅក្នុងខែកញ្ញា ឆ្នាំ២០១៨ យើងបានផ្តល់អាហារូបករណ៍ជូនសិស្សថ្មីចំនួន១០នាក់ និងបន្តផ្តល់អាហារូបករណ៍ ជូនសិស្សឆ្នាំមុនចំនួន១៣នាក់។ នៅក្នុងឆ្នាំ២០១៨នេះ សិស្សានុសិស្សកំពុងសិក្សាជំនាញសិល្បៈនានា ដូចជាពិណ សៀក ស្មូត្រ និងទម្រង់សិល្បៈជាច្រើនផ្សេងៗទៀត។
យើងបើកទទួលពាក្យស្នើសុំអាហារូបករណ៍ពីខែមីនា រហូតដល់ថ្ងៃទី៣១ ខែឧសភា ឆ្នាំ២០១៩។ បន្ទាប់ពីឆ្លងកាត់ដំណាក់កាលជ្រើសរើស សិស្សដែលនឹងទទួលបានអាហារូបករណ៍ នឹងត្រូវប្រកាសនៅខែកញ្ញា ឆ្នាំ២០១៩។ សូមទាញយកព័ត៌មាន និងពាក្យស្នើសុំ បំពេញរួច សូមផ្ញទៅកាន់ sormanak@cambodianlivingarts.org។
បេក្ខជនជាស្ត្រី ជនពិការ ជនជាតិភាគតិច ឬអ្នកមកពីសហគមន៍សម្លេងតិច ត្រូវបានលើកទឹកចិត្តឲ្យដាក់ពាក្យស្នើសុំអាហារូបករណ៍។ សម្រាប់ជំនួយបន្ថែម សូមទាក់ទងមកកាន់ក្រុមការងាររបស់យើង តាមរយៈលេខទូរស័ព្ទ 077 757 190 / 010 941 224 ឬ sormanak@cambodianlivingarts.org ពីថ្ងៃចន្ទ-សុក្រ (៨ព្រឹក-៥.៣០ល្ងាច)។
ខឹម សុខស្រីមាន – និស្សិតគំនូរ
ស្ងួន កវីសិរិរ័ត្ន – និស្សិតពិណ
អែល ហ៊ុយណូ – និស្សិតគំនូរ
