មូលនិធិ ដាំដុះ

មូលនិធិដាំដុះខ្នាតតូចសម្រាប់គម្រោង

មូលនិធិដាំដុះខ្នាតតូចសម្រាប់គម្រោង ផ្តល់ការគាំទ្រសកម្មភាពគម្រោងសិល្បៈច្នៃប្រឌិត គម្រោងតាមសហគមន៍ និងគម្រោងស្រាវជ្រាវពីសិល្បៈ និងវប្បធម៌ខ្មែរ។ គម្រោងសិល្បៈគ្រប់ទម្រង់អាចដាក់ពាក្យស្នើសុំបានទាំងអស់ រួមបញ្ចូលទាំងសិល្បៈទស្សនីយភាព សូនរូប ភាពយន្ត ស្ថាបត្យកម្មជាដើម។

ពាក្យស្នើសុំចាប់បើកទទួលពីថ្ងៃទី១ ខែសីហា រហូតដល់ថ្ងៃទី៣១ ខែតុលា ឆ្នាំ២០២១

សម្រាប់ព័ត៌មានបន្ថែមសូមទាក់ទង chandaly@cambodianlivingarts.org ឬទូរស័ព្ទ 086 895 556

មូលនិធិដាំដុះចល័ត

មូលនិធិដាំដុះចល័ត ផ្តល់ការគាំសម្រាប់ការចំណាយលើការចូលរួមក្នុងគម្រោងសិល្បៈ និងវប្បធម៌ ដូចជាសិក្ខាសាលា សន្និសីទ គម្រោងនិវាសនដ្ឋាន ការធ្វើដំណើរចូលរួមវគ្គបណ្តុះបណ្តាល និងការធ្វើដំណើរស្រាវជ្រាវទាំងក្នុង និងក្រៅប្រទេសកម្ពុជា។ មូលនិធិនេះផ្តល់ការគាំទ្ររហូតដល់ ៥០០ ដុល្លារ។

បច្ចុប្បន្នមូលនិធិដាំដុះចល័តត្រូវបានផ្អាកជាបណ្តោះអាសន្ន ដោយសារតែការរីករាលដាលនៃជម្ងឺកូវីដ១៩

សម្រាប់ព័ត៌មានបន្ថែមសូមទាក់ទងអ៊ីមែល sakun@cambodianlivingarts.org ឬទូរស័ព្ទ 012 432 201 / 096 69 432 64

បេក្ខជនមូលនិធិដាំដុះខ្នាតតូច សម្រាប់គម្រោង ឆ្នាំ ២០២១

កែវ ស្រីភក្ត្រ័ ជាសិល្បករឯករាជ្យមួយរូបជំនាញខាងគំនូរ និងមានជំនក់ចិត្តនឹងការងារសិល្បៈសហសម័យ ការសម្តែង កិច្ចការសិល្បៈអំពីបរិស្ថាន ការផ្តោតលើធម្មជាតិ និងសិល្បៈកែច្នៃដោយគាត់ផ្តោតលើបទពិសោធន៍ជីវិតផ្ទាល់ខ្លួន ទាក់ទងទៅនឹងបញ្ហាសង្គម និងបរិស្ថាន និងការផ្តល់អំណាចដល់ស្ត្រីក្រោកឈរឡើងដើម្បីសមភាពនិងសិទ្ធិរបស់ខ្លួន តាមរយៈការអប់រំ។

គម្រោង៖ វគ្គបណ្តុះបណ្តាលសម្រាប់ស្ត្រីក្នុងវិស័យសិល្បៈនិងនិរន្តរភាព

គាត់បានធ្វើការជាមួយគ្រូបណ្តុះបណ្តាលដើម្បីរៀបចំផ្តល់នូវវគ្គសិក្សាសម្រាប់ពង្រឹងសមត្ថភាពបន្ថែមដល់ក្រុមសិល្បការនី មេធា នៅសៀមរាប ដែលវគ្គនេះផ្តោតសំខាន់ទៅលើ ការធ្វើផែនការជាក្រុម ការអភិវឌ្ឍនិងការច្នៃប្រឌិត និងការដោះស្រាយបញ្ហា ក្នុងនាមជាអ្នកដឹកនាំក្រុម ។ គោលដៅរបស់គាត់គឺដើម្បី ជំរុញអោយមានការចូលរួមពីស្រ្តី ទាំងសកម្មភាព ទាំងគំនិតក្នុងវិស័យសិល្បៈ លើកពង្រឹងសមត្ថភាព និងលើកកម្ពស់ការយល់ដឹងអំពីតួនាទីរបស់ស្ត្រីនៅក្នុងសិល្បៈ។

ឡឹប កើ កើតក្នុងឆ្នាំ ១៩៨០ ជាអ្នកកំពង់ត្រឡាច ខេត្តកំពង់ឆ្នាំង។ លោកឡឹប កើ គឺជាស្ថាបនិកអក្សរយូនីកូដចាម្ប៍ កម្មវិធីសិក្សាភាសាចាម្ប៍ និងអ្នកស្រាវជ្រាវភាសាវិទ្យាអូស្ត្រូណេស៊ីនិងវប្បធម៌​ចាម្ប៍នៅកម្ពុជា។ សព្វថ្ងៃលោកជានិស្សិតថ្នាក់អនុបណ្ឌិតភាសានៅសាកលវិទ្យាភូមិន្ទភ្នំពេញ។ លោកបានចេញស្នាដៃជាច្រើនដែលរួមមានដូចជា សៀវភៅសិក្សាភាសាចាម្ប៍ រឿងនិទានចាម្ប៍នៅកម្ពុជា និងកំណាព្យភាសាចាម្ប៍។

គម្រោង៖ ប្រមូលនិង ចងក្រង កំណាព្យចាម្ប៍បុរាណ (ហ្ពានឺទាំពរនិងកកវាំង)

ហ្ពានឺទាំពរនិងកកវាំង (សារកថា) ជាកំណាព្យសឹងតែមិនមានអ្នកចេះសូត្រទៅហើយនាពេលបច្ចុប្បន្ននេះ។  អត្ថរសនិងអត្ថរូបដ៏ល្អនៃកំណាព្យទាំងនេះបានលាក់ខ្លួនក្នុងបង្វិចតាមគេហដ្ឋានរបស់ម្ចាស់ផ្ទាល់ព្រោះគេខំថែរក្សាពីដូនតាគេ​តៗមក។ គម្រោងស្រាវជ្រាវនេះនឹងធ្វើយ៉ាងណាឲ្យកំណាព្យនេះរស់ឡើងវិញដើម្បីជាបច្ច័យសម្រាប់ជនជាតិចាម្ប៍ផ្ទាល់ ក៏ដូចជាអ្នកស្នេហាកំណាព្យ បានសិក្សាបន្ត ហើយជួយបង្កើតស្នាដៃថ្មីសម្រាប់វប្បធម៌ជាតិកម្ពុជា។

ម៉ាន់ ចន្ថា ជាសិល្បការនី និងជាអ្នកគ្រប់គ្រងសិល្បៈនៅក្នុងសហគមន៍  ជនជាតិដើមគ្រឹងនៅភូមិអូរជុំ ស្រុកអូរជុំ ខេត្តរតនគិរី។

គម្រោង៖ កម្មវិធីរំលឹកសិល្បៈជនជាតិដើមគ្រឹង

ជាកម្មវិធីរៀបចំអោយមានសិល្បករជនជាតិដើមភាគតិចគ្រឹង ចំនួន ១០ ក្រុមចូលរួមក្នុងកម្មវិធីនេះដើម្បីរំលឹក បង្ហាញ សិល្បៈរបស់ពួកគាត់ នឹងបង្ហាញដល់សាធារណ​​ជន​អោយបានទស្សនា និងបានស្គាល់ប្រពៃណី និងការបង្កើតថ្មី របស់ពួកគាត់តាមរយៈការបង្ហាញ ស្នាដៃសិល្បៈជាច្រើនរបស់ជនជាតិដើមភាគតិចគ្រឹង មកពី ៩ ភូមិផ្សេងៗគ្នាក្នុងខេត្តរតនគិរី ដែលពុំធ្លាប់បង្ហាញពីមុនមក។

ម៉ៅ សុវណ្ណឌី ជាមន្ត្រីចូលនិវត្តន៍ពីមន្ទីរវប្បធម៌ និងវិចិត្រសិល្បៈ ខេត្តកំពង់ធំ។ លោកត្រូវបានតែងតាំងជាជំនួយការក្រសួងវប្បធម៌ និង វិចិត្រសិល្ប:ប្រចាំខេត្តកំពង់ធំ ចាប់តាំងពីឆ្នាំ២០២០ រហូតមកទល់សព្វថ្ងៃ។ ក្រៅពីនេះ គាត់មានការយកចិត្តទុកដាក់ខ្លាំងក្នុងការគាំទ្រ ថ្នាក់សិល្បៈសហគមន៍ ដែលគាត់បានបង្កើតប្រមាណ ១៣ថ្នាក់ក្នុងសហគមន៍ផ្សេងៗគ្នាក្នុងខេត្តកំពង់ធំ។ គាត់ធ្លាប់ទទួលបានពានរង្វាន់ដូចជាជ័យលាភីពានរង្វាន់ អក្សរសិល្ប៍ និង កំណាព្យទូទាំងប្រទេស។

គម្រោង៖ ការបង្កើតក្លឹបសិល្ប: របាំភូមិបឹងល្វាស្រុកសន្ទុក ខេត្តកំពង់ធំ

ការបង្កើតក្លឹបសិល្ប:យុវជនសហគមន៍នេះ ក្នុងគោលបំណងបណ្តុះបណ្តាលយុវជនជំនាន់ក្រោយនៅក្នុងសហគមន៍នូវរបាំបុរាណ ប្រពៃណី និងដើម្បីអោយយល់ពីគុណតម្លៃរបស់សិល្បៈនិងវប្បធម៌របស់ពួកគេ។ ក្លឹបសិល្ប:យុវជនមានទីតាំងនៅក្នុងឃុំបឹងល្វា ដែលមានយុវជនចូលរួម ៤០នាក់មកពី ៩ភូមិផ្សេងៗគ្នា អាយុចន្លោះពី ៨ ទៅ​១៨ឆ្នាំ។ ក្លឹបនេះត្រូវមានការចូលរួមគាំទ្រយ៉ាងខ្លាំងពីសហគមន៍ផ្ទាល់ ដើម្បីនិរន្តរភាពយូរអង្វែងរបស់សិល្បៈវប្បធម៌។

ម៉ិច សេរីរ័ត្ន កើតនៅឆ្នាំ ១៩៩៣ បាន​បញ្ចប់បរិញ្ញាប័ត្រផ្នែកប្រព័ន្ធផ្សព្វផ្សាយ ពីដេប៉ាតេម៉ង់ ប្រព័ន្ធផ្សព្វផ្សាយ​ និងទំនាក់ទំនង នៃសកលវិទ្យាល័យភូមិន្ទភ្នំពេញ ក្នុងឆ្នាំ២០១៨ ជាកន្លែងដែលនាងបានទទួលការបណ្តុះជំនាញ ថតរូប និងភាពយន្ត​។ សេរីរ័ត្ន  មានទស្សនវិស័យថា នាងនឹងបង្ហាញពីរឿងរ៉ាវនិងគុណតម្លៃនៃសោភណ្ឌជីវិតប្រចាំថ្ងៃដែលត្រូវបានគេមើលរំលង តាមរយៈកម្រងចក្ខុទស្សន៍ ព្រោះថា សិល្បៈមានតួនាទីសំខាន់ក្នុងការជួយដល់សុខមាលភាពផ្លូវចិត្តរបស់មនុស្ស។ សេរីរ័ត្នមើលឃើញថានាងមិនគ្រាន់តែជាអ្នកថតស្រ្តីមួយរូបនោះទេ តែជាពលរដ្ឋដែលមានទំនួលខុសត្រូវចំពោះមនុស្សជំនាន់នេះ និងជំនាន់ក្រោយ។”

គម្រោង៖ សាលាតូច បេះដូងធំ

គឺជាគម្រោងខ្សែភាពយន្តឯកសារខ្លីមួយដែលផ្តួចផ្តើមដោយ សេរីរ័ត្ន ជូឡាយ និងសុខឡេង ដើម្បីលើកកម្ពស់ការយល់ដឹងអំពី បញ្ហាប្រឈមរបស់ជនដែលមានពិការភាពផ្នែកបញ្ញា ស្មារតី ចិត្ត និងកាយសម្បទា និងការរើសអើងក្នុងសង្គម នៅក្នុងប្រទេសកម្ពុជា។ ខ្សែភាពយន្តនេះមានគោលបំណងបង្ហាញពីសាលាគំរូ ជាសាលាដែលចួលរួមប្រយុទ្ធប្រឆាំងនឹងការរើសអើងក្នុងសង្គមចំពោះជនងាយរងគ្រោះទាំងនោះ។

សយ ច័ន្ទបូរី បច្ចុប្បន្នអនុប្រធាន នៃយុវជនល្ខោនខោលកម្ពុជា និងជាមន្រ្តីរាជការ នៃក្រសួងវប្បធម៌ និងវិចិត្រសិល្បៈ ចាប់តាំងពីឆ្នាំ២០១៦។ ឆ្នាំ២០១៥ គាត់បានបញ្ចប់ថ្នាក់បរិញ្ញាបត្រផ្នែកល្ខោនខោល នៅសាកលវិទ្យាល័យភូមិន្ទវិចិត្រសិល្បៈ។ គាត់ក៏ជាអ្នករបាំសហសម័យ អ្នកដំឡើងរបាំ និងជាសិល្បករល្ខោនខោលផងដែរ។ គាត់ធ្លាប់ បានចូលរួមធ្វើការជាមួយគម្រោងជាតិ និងអន្តរជាតិជាច្រើន។ សព្វថ្ងៃនេះ គាត់ជាសមាជិកក្រុមសិល្បៈ SilverBell ហើយនឹងកំពុងតែបន្តការងារ និងចងក្រងស្រាវជ្រាវខាងផ្នែករបាំក្បាច់បុរាណខ្មែរ (ល្ខោនខោល)។

គម្រោង៖ ឈាមលើទឹក

ជាស្នាដៃរបាំសហសម័យថ្មីដែលបង្ហាញពីរឿងរ៉ាវរបស់ជីវិតស្ត្រីកម្ពុជានានា រួមមានភាពខ្លាំង និងបញ្ហាប្រឈម ដែលបានជួបប្រទះ និង ពុះពារជំនះឧបសគ្គជាច្រើននៅក្នុងជីវិតរបស់ពួកគេ។

ស្នាដៃនេះនឹងបង្ហាញពីស្ត្រីដែលបានប្រឡូកក្នុងសិល្បៈពេញមួយជីវិត និង អ្នកមិនមែននៅក្នុងសិល្បៈ។

បេក្ខជនមូលនិធិដាំដុះខ្នាតតូច សម្រាប់គម្រោង ឆ្នាំ ២០២០

 វ៉ា បុប្ផារី

អ្នកស្រាវជ្រាវ និងសាស្រ្តាចារ្យ

គម្រោង៖

បកប្រែសៀវភៅពិធីសំពះគ្រូក្នុងទម្រង់ភ្លេងមហោរី

ចាន់ វិត្ថារិន

សាស្រ្តាចារ្យ នៅសាកលវិទ្យាល័យភូមិន្ទវិចិត្រសិល្បៈ

គម្រោង៖

បោះពុម្ពផ្សាយសៀវភៅអំពីសិល្បៈផ្ដិតពុម្ព

រី មុនីសុវណ្ណយ៉ា

អ្នករចនា និងសិល្បករ

គម្រោង៖

ពិព័រណ៍រូបថតតាមដងផ្លូវអមដោយការសម្ដែង

«ដាំបាយ និងសិទ្ធិ»

អន​ បញ្ញា

សាស្ត្រាចារ្យផ្នែកល្ខោននិយាយ

នៅសាកលវិទ្យាល័យភូមិន្ទវិចិត្រសិល្បៈ

គម្រោង៖

ដំឡើងស្នាដៃរឿងល្ខោននិយាយ «ងងឹតទាំងថ្ងៃ»

បេក្ខជនមូលនិធិដាំដុះខ្នាតតូចសម្រាប់គម្រោង ឆ្នាំ ២០១៩

បេក្ខជនមូលនិធិដាំដុះចល័ត ឆ្នាំ ២០១៩

 សួស ស៊ីណាត

អ្នកគ្រប់គ្រងផ្នែកធនធានមនុស្ស នៅសហគ្រាសសង្គមហ្វារ

គម្រោង៖

មហោស្រព សិល្បៈ និងបរិស្ថាន ឆ្នាំ ២០១៩

ហង្ស សុខារ៉ូ

ផលិតករភាពយន្តឯករាជ្យ

គម្រោង៖

ការស្រាវជ្រាវ និងផលិតអត្ថបទកុន «ខ្យល់ទន្លេ»

ពីប្រពៃណីទំនៀមទំលាប់ និងអត្តសញ្ញាណ

ស្រ៊ុន រីដា

បញ្ចប់បរិញ្ញាបត្រផ្នែកវិចិត្រសិល្បៈ

ពីសាកលវិទ្យាល័យភូមិន្ទវិចិត្រសិល្បៈ

គម្រោង៖

សិល្បៈផ្ដិតពុម្ព នៅកម្ពុជា

ណាង យ៉ាន់ណា

សម្របសម្រួលគម្រោង

នៃសមាគមសិល្បៈសុវណ្ណភូមិ

គម្រោង៖

ចងក្រងឯកសារអំពី

«ប្រវត្តិនៃសិល្បៈល្ខោនតុក្កតាឈើនៅកម្ពុជា»

ផល យូភា

អ្នករចនាក្រាហ្វិក

គម្រោង៖

ស្នាដៃគំនូរជីវចលអភិរក្សសត្វព្រៃ

«សុបិន»

ចាន់ ពិសី

សិល្បករផ្នែកគំនូរ

ចូលរួម International Children’s Content Right Fair, Thailand

ឃួន ច័ន្ទរស្មី

អ្នកគ្រប់គ្រងផ្នែកសិល្បៈ

ចូលរួម The Arts for Goods Fellowship Program, Singapore

សាយ តុលា

ការងារឯករាជ

ចូលរួម Internal Literature Festival, Nepal

បេក្ខជនមូលនិធិដាំដុះខ្នាតតូចសម្រាប់គម្រោង ឆ្នាំ ២០១៨

បេក្ខជនមូលនិធិដាំដុះចល័ត ឆ្នាំ ២០១៨

 សៅ​ ស្រីម៉ៅ

អ្នករចនារូបថតបែបឌីជីថល

គម្រោង៖

តំឡើងស្នាដៃរចនារូបថតឌីជីថល «ក្រោមទឹក»

ស៊ីវ សេរី

អ្នកថតរូប

គម្រោង៖

ស្នាដៃថតរូប ភាសាជាឧបសគ្គមួយ

យ៉េង ឈាងលី

អ្នកនិពន្ធ

គម្រោង៖

ប្រមូលម្តុំ និងបោះពុម្ភកំណាព្យក្នុងតំបន់ មានឈ្មោះថា «ឮសម្លេងអាស៊ាន»

ឈិត ចាន់ភីរ៉ាក់

សហស្ថាបនិក និងជានាយក អង្គការល្ខោនគំនិត

គម្រោង៖

ស្រាវជ្រាវអត្ថបទសរសេរ និងតំឡើងអត្ថបទល្ខោន «ឧកញ៉ាចតុរង្គយស»

ចាន់ ពិសី

សិល្បករផ្នែកគំនូរ

ចូលរួម International Children’s Content Right Fair, Thailand

ឃួន ច័ន្ទរស្មី

អ្នកគ្រប់គ្រងផ្នែកសិល្បៈ

ចូលរួម The Arts for Goods Fellowship Program, Singapore

សាយ តុលា

ការងារឯករាជ

ចូលរួម Internal Literature Festival, Nepal