សិក្ខាសាលា2017-11-072020-01-14https://www.cambodianlivingarts.org/wp-content/uploads/2017/08/logo_cla-1.pngCambodian Living Artshttps://www.cambodianlivingarts.org/wp-content/uploads/2017/05/workshop-banner.jpg200px200px
កម្មវិធី៖ អភិវឌ្ឍន៍សិល្បៈ
គោលដៅ៖ សិល្បករ
យើងនឹងរៀបចំវគ្គបណ្ដុះបណ្ដាលរយៈពេលខ្លី៖ តែងនិពន្ធរឿងល្ខោន ពីថ្ងៃទី ១៧-២២ ខែកុម្ភៈ ឆ្នាំ២០២០ ដោយរួមសហការជាមួយ Ex-Theatre Asia ផ្ដោតជាពិសេសរបៀបរៀបចំ គ្រោងរឿងសម្រាប់ការសម្ដែងល្ខោន។ ប្រសិនបើអ្នកធ្លាប់មានបទពិសោធន៍តែងរឿងខ្លី ប្រលោមលោក កំណាព្យ អត្ថបទកាសែត អត្ថបទរឿងនានា ឬបទពិសោធន៍សម្ដែង (កាន់តែប្រសើរ) អាចដាក់ពាក្យមកឥឡូវនេះ។ អាហារូបករណ៍សម្រាប់ ៨នាក់!
ព័ត៌មានបន្ថែម សូមទាញយកដូចខាងក្រោម។
ឈប់ទទួលពាក្យត្រឹមថ្ងៃទី ២ កុម្ភៈ ២០២០ ត្រឹមម៉ោង៥.៣០ល្ងាច
ទូរស័ព្ទទំនាក់ទំនង៖ 086-895-556
បេក្ខជនជាប់ពាក្យ នឹងទទួលបានការជូនដំណឹង!
យើងខ្ញុំត្រូវការជ្រើសរើស តួសម្ដែង និងអ្នកដេញចម្រៀងចាប៉ី ចំនួន ២រូប សម្រាប់ល្ខោននិយាយា រឿង «ចាប៉ី» ដែលស្នាដៃនេះ នឹងត្រូវសម្ដែងក្នុងកម្មវិធី «មហោស្រពសិល្បៈដើម្បីសន្តិភាព» ក្នុងខែវិច្ឆិកា ខាងមុខនេះ។ បេក្ខជនកម្ពុជាដែលមានចំណាប់អារម្មណ៍ សូមផ្ញើពាក្យមកឥឡូវនេះ។ សម្រាប់ព័ត៌មានបន្ថែម និងពាក្យស្នើសុំ សូមទាញយកទីនេះ។
ឈប់ទទួលពាក្យត្រឹមថ្ងៃទី ២២ កក្កដា ២០១៩ ត្រឹមម៉ោង៥.៣០ល្ងាច
ទូរស័ព្ទទំនាក់ទំនង៖ 086-895-556
យើងខ្ញុំបើកទទួលពាក្យស្នើសុំចូលរួម សិក្ខាសាលារចនាម៉ូតឆាកសម្ដែង ចំនួន ៩កន្លែង សម្រាប់សិល្បករ ឬអ្នកធ្វើការក្នុងវិស័យសិល្បៈដែលចង់អភិវឌ្ឍជំនាញខ្លួនឯងបន្ថែម។ បេក្ខជនដាក់ពាក្យត្រូវមានបទពិសោធន៍បីឆ្នាំផ្នែករចនាម៉ូតឆាក លើទម្រង់ណាមួយដូចជា សិល្បៈចក្ខុទស្សន៍ ល្ខោន តន្ត្រី របាំ កុន ស្ថាបត្យកម្ម រចនាខាងក្នុង ឬរចនាសម្លៀកបំពាក់ជាដើម។ សិក្ខាសាលានេះ រៀបចំឡើងដោយអង្គការសិល្បៈខ្មែរអមតៈ សហការជាមួយសាលាជាតិនៃសិល្បៈតុបតែង (École Nationale Supérieure des Arts Décoratifs) និងមហាវិទ្យាល័យតូរ្យតន្ត្រី នៃសាកលវិទ្យាល័យភូមិន្ទវិចិត្រសិល្បៈ។ សិក្ខាសាលានេះ ធ្វើឡើងជាភាសាអង់គ្លេសអមដោយបំណកប្រែជាភាសាខ្មែរ។
កាលបរិច្ឆេទ៖ ១៥-១៨ កុម្ភៈ ២០១៩ ម៉ោង ៨ព្រឹក-១២ថ្ងៃត្រង់
ទីតាំង៖ មហាវិទ្យាល័យតូរ្យតន្ត្រី សាកលវិទ្យាល័យភូមិន្ទវិចិត្រសិល្បៈ
ឈប់ទទួលពាក្យត្រឹមថ្ងៃទី ៧ កុម្ភៈ ២០១៩ ត្រឹមម៉ោង៥ល្ងាច
យើងរៀបចំវគ្គបណ្តុះបណ្តាល និងសិក្ខាសាលាជាទៀងទាត់សម្រាប់អភិវឌ្ឍជំនាញ និងចំណេះដឹងដែលសិល្បករ និងអ្នកបម្រើការងារផ្សេងទៀតឲ្យយើងដឹងថាពួកគាត់ត្រូវការជាចាំបាច់ ដែលមានចាប់ពីជំនាញសិល្បៈ ដល់ជំនាញបច្ចេកទេស ដូចជាសំឡេង និងពន្លឺ ព្រមទាំងជំនាញគ្រប់គ្រងផងដែរ។
សម្រាប់ឆ្នាំ ២០១៧ យើងបានរៀបចំវគ្គបណ្តុះបណ្តាលដូចជា៖
ជំនាញតែងនិពន្ធ៖ នៅខែកក្កដា ឆ្នាំ២០១៧ យើងបានដឹកនាំគម្រោងនិវាសនដ្ឋានរយៈពេល២សប្តាហ៍នៅមជ្ឈមណ្ឌលបេតិកភណ្ឌ នៅខេត្តសៀមរាប សម្រាប់ការបណ្តុះបណ្តាលសិល្បករប្រពៃណីអំពីជំនាញតែងនិពន្ធ។ នៅចុងបញ្ចប់នៃវគ្គបណ្តុះបណ្តាលនេះ ពួកគាត់បានបង្ហាញស្នាដៃតែងនិពន្ធថ្មីៗដែលខ្លួនបានបង្កើតឡើងនៅក្នុងការប្រគំតន្ត្រីក្រៅផ្លូវការមួយនៅក្នុងខេត្តសៀមរាប។
ក្នុងខែកក្កដា ឆ្នាំ២០១៦ យើងបានរៀបចំសិក្ខាសាលាអ្នកនិពន្ធ និរ្មិត។ និស្សិតផ្នែកតែងនិពន្ធ និងតន្រ្តីករមកពីប្រទេសកម្ពុជា សហរដ្ឋអាមេរិក ភូមា និងឡាវ បានធ្វើការជាមួយសាស្រ្តាចារ្យ និងអ្នកនិពន្ធលំដាប់ពិភពលោក ក្រោមការរៀបចំដឹកនាំដោយអ្នកនិពន្ធជនជាតិខ្មែរ-អាមេរិកដ៏ល្បីឈ្មោះគឺ លោក អ៊ុង ជិនណារី។
ការគ្រប់គ្រងផលិតកម្ម៖ យើងបានគាំទ្រអង្គការអម្រឹតាសិល្បៈ (Amrita Performing Arts) ក្នុងការបង្កើតកម្មវិធីសិក្សាបណ្តុះបណ្តាល រយៈពេល៤សប្តាហ៍លើការគ្រប់គ្រងផលិតកម្ម។ យើងបានរៀបចំវគ្គបណ្តុះបណ្តាលនេះ២ដងក្នុងឆ្នាំ២០១៦ និងឆ្នាំ២០១៧ ហើយគ្រោងនឹងរៀបចំវាម្ដងទៀតនៅឆ្នាំ២០១៨ ។
