In Join Now, uncategorized

ការងារយើង៖ កម្មវិធីផ្លាស់ប្តូរវប្បធម៌

កម្មវិធី៖ អភិវឌ្ឍន៍សិល្បៈ និងចំណេះដឹង បណ្ដាញ គោលនយោបាយវប្បធម៌
គោលដៅ៖ សិល្បករ អ្នកគ្រប់គ្រងសិល្បៈ និងអ្នកដឹកនាំក្នុងវិស័័យវប្បធម៌

exchange-images

ពាក្យស្នើសុំចាប់ផ្តើមទទួលហើយ៖ កម្មវិធីនិវេសនដ្ឋាននៅមជ្ឈមណ្ឌល Vermont Studio

យើងកំពុងស្វែងរកបេក្ខជនជាសិល្បករផ្នែកទស្សនីយចក្ខុ ២ នាក់ និងអ្នកនិពន្ធ ១ នាក់ដើម្បីចូលរួមកម្មវិធីនិវេសដ្ឋាន ៤ សប្តាហ៍​នៅ​មជ្ឈមណ្ឌល​ Vermont Studio នៅសហរដ្ឋអាមេរិក ដោយរួមមានទាំងកម្មវិធីធ្វើទស្សនកិច្ច ៩ ថ្ងៃនៅជុំវិញទីក្រុងញូយ៉ក។ រាល់ការចំណាយ​ទាំងអស់​គឺខាង​កម្មវិធី​ជាអ្នក​រ៉ាប់រង ។​ សិល្បករដែលត្រូវបានជ្រើសរើសនឹងត្រូវបានផ្តល់កន្លែងមួយក្នុង​ស្ទូឌីយោសម្រាប់ធ្វើការ ព្រមទាំង​អាចប្រើប្រាស់​ធនធាន​របស់​មជ្ឈមណ្ឌល Vermont Studio ។ ជាមួយគ្នានោះដែរ ក៏នឹងមានឱកាសជួបមិត្តសិល្បករ គទានុរក្ស និងបញ្ញវន្តសិល្បៈដទៃទៀត ។​

ការដាក់ពាក្យចូលរួមកម្មវិធីនេះបើកទូលាយដល់សិល្បករកម្ពុជា ដែលមានអាយុចាប់ពី២១ឆ្នាំឡើងទៅ។ សិល្បករត្រូវតែមាន​សញ្ជាតិ​ខ្មែរ និង​ពិតជា​សិល្បករ​ចក្ខុទស្សន៍ (visual artist) ឬទម្រង់សិល្បៈប្រហាក់ប្រហែល ឬជាអ្នកនិពន្ធ ហើយ​មានបទពិសោធន៍​ការងារ​យ៉ាងតិច៣ឆ្នាំ។ ​បេក្ខជន​ទាំងអស់​ត្រូវតែចេះនិយាយ និងយល់ភាសាអង់គ្លេសក្នុងកម្រិត​អាចប្រាស្រ័យទាក់ទង​គ្នា​បាន។​

កម្មវិធីនិវេសនដ្ឋាន និងទស្សនកិច្ច នឹងត្រូវប្រព្រឹត្តិទៅពីថ្ងៃទី ៣០ ខែកញ្ញា ដល់ ថ្ងៃទី០៤ ខែវិច្ឆិកា ឆ្នាំ២០១៨

ស្នាក់នៅមជ្ឈមណ្ឌល Vermont Studio (ទីក្រុងVermont) ចាប់ពីថ្ងៃទី៣០ ខែកញ្ញា ដល់ ថ្ងៃទី២៦ ខែតុលា ឆ្នាំ២០១៨

ទស្សនកិច្ចទីក្រុងញូវយ៉ក ចាប់ពីថ្ងៃទី២៧ ខែតុលា ដល់ថ្ងៃទី០៤ ខែវិច្ឆិកា ឆ្នាំ២០១៨

exchange-images

ការ​ផ្លាស់​ប្តូរ​ចំណេះ​ដឹង ការ​អនុវត្ត និង​បទ​ពិសោធន៍ គឺ​ជា​វិធី​ល្អ​បំផុត​មួយ​សម្រាប់​សិល្បករ និង​អ្នក​បម្រើ​ការងារ​ក្នុង​វិស័យ​សិល្បៈ​ដទៃ​ទៀត​ក្នុង​ការ​ពង្រីក​បណ្តាញ អភិវឌ្ឍន៍​ជំនាញ និង​ការ​បំផុស​គំនិត​ថ្មីៗ។ យើង​បាន​ដឹក​នាំ និង​សម្រប​សម្រួល​កម្ម​វិធី​ផ្លាស់​ប្តូរ​ចំណេះ​ដឹង​នានា​​រួម​មាន កិច្ច​សហការ​សិល្បៈ រហូត​ដល់​ការ​ស្រាវ​ជ្រាវ ព្រម​ទាំង​ដំណើរ​ទស្សន​កិច្ច​កសាង​បណ្ដាញ​នៅ​ក្នុង​ប្រទេស​កម្ពុជា ទូ​ទាំង​តំបន់​អាស៊ី និង​នៅ​សហរដ្ឋ​អាមេរិក និង​អឺរ៉ុប​ទៀត​ផង។

អេសណូស៊ុយអែត

បើកទទួលពាក្យស្នើសុំ

យើងផ្ដល់ជូនឱកាសអាហារូបករណ៍ពេញលេញចំនួន ២កន្លែងសម្រាប់ការចូលរួមកម្មវិធីសិក្ខាសាលាតន្ត្រីប្រជាប្រិយ និងប្រពៃណី អេសណូ ស៊ុយអែត ឆ្នាំ២០១៩។ ដោយរួមសហការជាមួយ Folkmusikens hus (FMH) នៅប្រទេសស៊ុយអែត។ សម្របា់ព័ត៌មានបន្ថែម និងពាក្យស្នើសុំ សូមទាញយកទីនេះ។

ឈប់ទទួលពាក្យត្រឹមថ្ងៃទី ១ ខែមេសា ឆ្នាំ២០១៩

សូមផ្ញើពាក្យស្នើសុំរបស់អ្នកទៅកាន់ sokhorn@cambodianlivingarts.org

cla-logo
ethno

នៅ​ឆ្នាំ​២០១៧៖

  • ខែកុម្ភៈ៖ អ្នក​សម្រប​សម្រួល​ជាន់​ខ្ពស់​កម្ម​វិធី​អភិវឌ្ឍន៍​សិល្បៈ កញ្ញា យ៉ុន សុខខន បាន​ទៅ​ចូល​រួម​កម្ម​វិធី TPAM (កិច្ច​ប្រជុំ​ទស្សនីយ​ភាព​សិល្បៈ​នៅ​ទី​ក្រុង​យូកូ​ហាម៉ា) នៅ​ប្រទេស​ជប៉ុន ​ជា​ទី​កន្លែង​ដែល​អ្នក​ជំនាញ​មក​ពី​ជុំវិញ​ពិភព​លោក អាច​​ស្វែង​​យល់​ពី​ការ​ផ្លាស់​ប្តូរ​ទស្សនីយភាព​សហសម័យ តាម​រយៈ​ការ​សម្តែង និង​កម្ម​វិធី​ប្រជុំ​នានា។
  • ខែកុម្ភៈ៖ ប្រធាន​កម្មវិធី​អប់រំ​សិល្បៈ​និង​វប្បធម៌​ លោក សួន ប៊ុន​រិទ្ធ បាន​ចូល​រួម​សន្និបាត​ពិភពលោក​នៅ​ទីក្រុង Salzburg អំពី ’សិល្បៈ​នៃ​ភាព​រឹង​មាំ​ឡើង​វិញ៖ ភាព​ច្នៃ​ប្រឌិត ភាព​ក្លាហាន និង​ការ​ស្តារ​ឡើង​វិញ’ នៅ​ប្រទេស​អូទ្រីស។ សូមមើលរបាយការណ៍នៅទីនេះ (ជាភាសាអង់គ្លេស) ។ . សូមអានរបាយការណ៍នៅទីនេះ។
  • ខែឧសភា៖ នាយក​ប្រតិបត្តិ លោក ព្រីម ភ្លឿន បាន​ចូល​រួម​សន្និ​បាត​មួយ​ដែល​រៀប​ចំ​ឡើង​នៅ​ទីក្រុង​ប៊ែរ​ឡាំង ដោយ Robert Bosch Academy អំពី​អត្ថន័យ​និង​ភាព​ពាក់​ព័ន្ធ​នៃ​អនុសញ្ញា​អង្គការ​យូណេស្កូ​ឆ្នាំ​២០០៥ ស្តី​ពីការ​ការ​ពារ និង​ការ​លើក​កម្ពស់​ភាព​ចំរុះ​នៃ​វិញ្ញត្តិ​វប្បធម៌។ សូម​ទាញយករបាយការណ៍នៅទីនេះ (ភាសាអង់គ្លេស)។ សូម​ទាញ​យក​របាយ​ការណ៍​នៅ​ទី​នេះ។
  • ខែមីនា៖ យើង​បាន​រៀប​ចំ​សិក្ខា​សាលា​ស្តីពី​ភាព​ជា​អ្នក​ដឹក​នាំ​វប្ប​ធម៌ ដែល​ចូល​រួម​ដោយ​អ្នក​គ្រប់​គ្រង​សិល្បៈកម្ពុជា ចំនួន​៥​រូប និង​សិក្ខា​កាម​ចំនួន​៥​រូប​ទៀត​មក​ពី​​តៃវ៉ាន់ វៀត​ណាម និង​ឡាវ។ Charlene RAJENDRAN ជា​អ្នក​និពន្ធ និង​គ្រូ​ល្ខោន​ជន​ជាតិ​ម៉ា​ឡេ​ស៊ី រស់​នៅ​ប្រទេស​សិង្ហ​បុរី​បាន​សម្រប​សម្រួល​សិក្ខា​សាលា​នេះ។
  • ខែកក្កដា៖ អតីត​សិល្បករ​អាហា​រូបករណ៍​ទស្សនៈ​វប្ប​ធម៌​ ៣​រូប មក​ពី​ប្រទេស​កម្ពុជា និង​អ្នកច្នៃ​ប្រឌិត​វប្បធម៌​វ័យ​ក្មេង ២រូប មក​ពី​ប្រទេស​ឡាវ និង​វៀត​ណាម បាន​រៀប​ចំ​សន្និ​បាត​តុ​មូល​ស្តី​ពី “ភាព​ជា​អ្នក​ដឹក​នាំ​វប្ប​ធម៌ និង​តំបន់​មេគង្គ” ក្នុង​កម្ម​វិធី ICAS ១០ ដែល​ជា​សន្និ​បាត​ប្រចាំ​ឆ្នាំ​របស់ IIAS (សមា​គមន៍​អន្តរ​ជាតិ​បញ្ញាវ័ន្ត​អាស៊ី)។

នៅ​ឆ្នាំ២០១៦ សិល្បករ​មក​ពី​​កម្ពុជា និង​ប្រទេស​ក្នុង​តំបន់​បាន​ចូល​រួម​កម្ម​វិធី​ដូចខា​ង​ក្រោម៖

  • ខែឧសភា៖ អតីត​​សិល្បករ​អាហា​រូបករណ៍​ទស្សនៈ​វប្បធម៌ (Living Arts Fellows Program)​ ៤​រូប បាន​ធ្វើ​ទស្សនកិច្ច​​នៅ​តៃវ៉ាន់ ក្នុង​កម្ម​វិធី​ផ្លាស់​ប្តូរ​ចំណេះ​ដឹង ដែលយើង​បាន​រៀប​ចំ​ឡើង​សហការ​ជាមួយស្ទូឌីយោ Bamboo Curtain Studio។ ក្រៅ​ពី​ការ​សិក្សា​​អំពី​ស្ថាន​ភាព​វិស័យ​សិល្បៈ​ និង​វប្ប​ធម៌​នៅ​​តៃវ៉ាន់ និស្សិត​ទាំង​អស់​បាន​​បង្រៀននិស្សិត​សាកល​វិទ្យាល័យ​មួយ​ថ្នាក់ រៀប​ចំ​សិក្ខា​សាលា​ស្តីពី​ភាព​ជា​អ្នក​ដឹក​នាំ បទ​បង្ហាញ​អំពី​វប្ប​ធម៌​ខ្មែរនៅ​សាលា​បឋម​សិក្សា​មួយ​កន្លែង ព្រម​ទាំង​បាន​សហការ​រៀប​ចំ​កម្ម​វិធី​រាត្រី​​កម្ពុជា​សម្រាប់​មិត្ត​ភក្តិ នៃ​បណ្តាញ​ស្ទូឌីយោ Bamboo Curtain Studio ទៀត​ផង។
  • ខែសីហា៖ សិល្ប​ករ​ជា​ច្រើន​រូប និង​បុគ្គ​លិក​១​រូប​ពី​សិល្បៈ​ខ្មែរ​អមតៈ លោក សុង សេង បាន​ទៅ​ចូល​រួម​ជា​ក្រុម​សិក្សា​ក្នុង​កម្ម​វិធី ក្រុម​ប្រឹក្សា​តន្ត្រី​ប្រពៃណី​អន្តរជាតិ​(ICTM) ជា​ផ្នែក​មួយ​នៃ​ការ​បង្ហាញ​ផ្ទាំង​ទស្ស​នីយ​ភាព​​ប្រចាំ​តំបន់​អាស៊ី​អាគ្នេយ៍ ​ដែល​រៀប​ចំ​ឡើង​នៅប្រទេស​ម៉ាឡេ​ស៊ី ព្រម​ទាំង​ដឹក​នាំ​​សិក្ខា​សាលា ការ​សម្តែង និង​បទ​បង្ហាញ​អំពី​ទម្រង់​ល្ខោន​ស្រមោល និង​ស្មូត​របស់​កម្ពុជា​ផង​ដែរ។
  • ខែតុលា៖ រិទ្ធី លម្អ​ពេជ្រ និង យ៉េង ឈៀង​លី មក​ពី​ប្រទេស​កម្ពុជា AJ PHOTHISANE មក​ពី​ប្រទេស​ឡាវ និង Arlette QUYNH-ANH TRAN មក​ពី​ប្រទេស​វៀត​ណាម បាន​ចូល​រួម​វេទិកា​អ្នក​ច្នៃ​ប្រឌិត​វប្ប​ធម៌​វ័យ​ក្មេង​ក្នុង​សន្និ​បាត​ពិភព​លោក Salzburg Global Seminar​ នៅ​ប្រទេស​អូទ្រីស ដែល​ពួក​គាត់​បាន​ជួប​មេ​ដឹក​នាំ​ដែល​មាន​ភាព​ច្នៃ​ប្រឌិត ចំនួន​៥០​រូប​មក​ពី​ជុំ​វិញ​ពិភព​លោក។ ពួក​គាត់​គឺ​ជា​អ្នក​ទៅ​ចូល​រួម​​ជំនាន់​ទី៣​ នៃ​កម្ម​វិធី​អ្នក​ច្នៃ​ប្រឌិត​វប្ប​ធម៌​វ័យ​ក្មេង​ដែល​ត្រូវ​បាន​សិល្បៈ​ខ្មែរ​អមតៈ​ជ្រើស​រើស និង​ឧបត្ថម្ភ​ទៅ​​ចូល​រួម​កម្ម​វិធី​ថ្នាក់​ពិភព​លោក​មួយ​នេះ។
  • ខែតុលា៖ សិល្បករ​អាហា​រូបករណ៍​ទស្សនៈ​វប្ប​ធម៌​ឆ្នាំ​២០​១៦ របស់​យើង​បាន​ទៅ​ទស្សនា​ប្រទេស​វៀត​ណាម ដែល​ជា​ផ្នែក មួយ​នៃ​កម្ម​វិធី​អាហា​រូបករណ៍​ទស្សនៈ​វប្បធម៌។
  • ខែតុលា៖ ស្ថាប​និក​របស់​យើង​លោក អាន ចន​ផន និង​នាយក​ប្រតិ​បត្តិ លោក ព្រីម ភ្លឿន បាន​ចូល​រួម​ក្នុង​កិច្ច​ប្រជុំ​កំពូល​ថ្នាក់​ពិភព​លោក​ស្ដី​ពី​សិល្បៈ និង​វប្ប​ធម៌​នៅ​ប្រទេស​ម៉ាល​តា ដែល​រៀប​ចំ​ឡើង​ជា​រៀង​រាល់​ឆ្នាំ​ដោយ​សហ​ព័ន្ធ​អន្ដរ​ជាតិ​នៃ ក្រុម​ប្រឹក្សា​សិល្បៈ និង​ទី​ភ្នាក់​ងារ​វប្បធម៌ (IFACCA)។ លោកអាន បាន​ថ្លែង​សុន្ទរ​កថា​ទៅ​កាន់​គណៈ​ប្រតិ​ភូ​ចំនួន ៣៥០​រូប មក​ពី​ជាង​៨០​ប្រទេស តំណាង​ឲ្យ​ភ្នាក់​ងារ​វប្ប​ធម៌​មក​ពី​ទូ​ទាំង​ពិភព​លោក។
  • ខែវិច្ឆិកា៖ ព្រឹទ្ធា​ចារ្យ​​ជំនាញ​វង់​ភ្លេង​ កន្ទាំ​មីង លោក​គ្រូ សេង ណន បាន​ធ្វើ​ដំណើរ​ទៅ​ទី​ក្រុង​ញូវ​យ៉ក តាម​រយៈ​គម្រោង​សិល្បៈ​អន្តរ​ជាតិ​នៅ Park Avenue Armory ។ នេះ​ជា​ការ​ងារ​របស់ Taryn Simon ដែលមានឈ្មោះថា “An Occupation of Loss” និង​មាន​គោល​ដៅ​ប្រមូល​ផ្តុំ “អ្នក​ជំនាញ​ភ្លេង​បុណ្យ​សព” ចំនួន​៣០​រូប​មក​ពី​ជុំ​វិញ​ពិភព​លោក។

ព័ត៌មានបន្ថែម៖ ប្រសិន​បើ​មាន​ឳកាស​ចូល​រួម​កម្ម​វិធី​ផ្លាស់​ប្តូរ​ចំណេះ​ដឹងនេះ យើង​នឹង​ផ្ដល់​ព័ត៌​មាន​លម្អិត​ជូន។

asia
europe
usa

Support us

follow us

Recent Posts

Start typing and press Enter to search