សារពីនាយិកាប្រតិបត្តិ យ៉ុន សុខខន

កសាងសមត្ថភាពសិល្បករឯករាជ្យ ប្រតិបត្តិករសិល្បៈវប្បធម៌ និងស្ថាប័នតូចៗ ដើម្បីឆ្ពោះទៅរកនិរន្តរភាពផ្នែកប្រតិបត្តិការ។

បន្លឺសំឡេងសិល្បករ ជាពិសេសតាមរយៈប្រព័ន្ធឌីជីថល។

ជំរុញកិច្ចសហការទាំងថ្នាក់តំបន់ និងអន្តរជាតិដើម្បីពង្រឹងវិស័យសិល្បៈវប្បធម៌។

មូលនិធិដាំដុះ

សម្រាប់ជួយដល់សិល្បករនិងប្រតិបត្តិករវប្បធម៌ ព្រមទាំងជួយផ្សព្វផ្សាយ និងជួយបន្លឺសំឡេងរបស់ពួកគេតាមរយៈវេទិកាឌីជីថល និងវេទិកាសាធារណៈ។

មូលនិធិចល័ត 

សម្រាប់ជួយដល់សិល្បករនិងប្រតិបត្តិករវប្បធម៌គ្រប់ទម្រង់ ដើម្បីអភិវឌ្ឍគំនិត បណ្ដាញ និងជំនាញ តាមរយៈការចូលរួមវគ្គបណ្តុះបណ្តាល សិក្ខាសាលា សន្និសីទ មហោស្រព បង្ហាញលទ្ធផលនៃការស្រាវជ្រាវ ចូលរួមគម្រោងនិវាសដ្ឋាន។

មូលនិធិដំឡើងស្នាដៃថ្មី

សម្រាប់ជួយដល់សិល្បកររៀមច្បងនិងជំនាន់ថ្មីក្នុងការអភិវឌ្ឍជំនាញច្នៃប្រតិដ្ឋ ភាពជាអ្នកដឹកនាំ និងគម្រោង តាមរយៈការណែនាំផ្ទាល់ ការបង្កើតស្នាដៃថ្មីៗ និងសិក្ខាសាលាបណ្តុះជំនាញ ជាមួយអ្នកជំនាញឯកទេសថ្នាក់តំបន់ ដោយផ្តោតលើដំណើរការនៃការបង្កើតស្នាដៃដែលមានគុណភាពខ្ពស់ និងការបង្ហាញស្នាដៃទាំងនោះជាសាធារណៈ។

ការប្រគំតន្ត្រីតាមភូមិ

យើងរៀបចំកម្មវិធីប្រគំតន្ត្រីនៅតាមសហគមន៍ឆ្ងាយៗ ដែលប្រជាជនមានឱកាសតិចតួចក្នុងការចូលរួមព្រឹត្តិការណ៍សិល្បៈ។

បទបង្ហាញតន្ត្រី

យើងផ្សព្វផ្សាយពីឧបករណ៍តន្ត្រីបុរាណខ្មែរកម្រៗនៅតាមភូមិនានាក្នុងប្រទេសកម្ពុជាតាមរយៈការធ្វើបទបង្ហាញនិងការជជែកសួរនាំផ្ទាល់។

កម្មវិធីសម្ដែងសិល្បៈតាមខេត្ត

យើងនាំយកការសម្ដែង កិច្ចពិភាក្សា និងសិក្ខាសាលាអន្តរកម្ម ទៅកាន់ខេត្តគោលដៅ ដើម្បីឱ្យសហគមន៍មូលដ្ឋានទទួលបានបទពិសោធជាមួយស្នាដៃថ្មី និងមានឱកាសសន្ទនាជាមួយសិល្បករដោយផ្ទាល់។

អាហារូបករណ៍សិល្បៈអមតៈ អាន ចនផន

សម្រាប់ជួយសិល្បករជំនាន់ថ្មី និងអ្នកច្នៃប្រតិដ្ឋ ក្នុងការពង្រីកការអនុវត្តរបស់ពួកគេ ការ​បើក​ទស្សនៈ​របស់​ពួកគេ​ឱ្យកាន់តែមានភាពទូលំទូលាយ និងការចូលរួមយ៉ាងសកម្មក្នុងវិស័យ​សិល្បៈ​​សហសម័យ តាមរយៈជំនួយហិរញ្ញវត្ថុ និងឱកាសអភិវឌ្ឍវិជ្ជាជីវៈ។

មូលនិធិដំឡើងស្នាដៃថ្មីបានផ្តល់នូវការជ្រោមជ្រែង ហើយជំរុញឱ្យខ្ញុំអាចឆ្លងកាត់នូវឧបសគ្គដោយទំនុកចិត្តហើយអាចបន្តការងារក្នុងក្តីស្រមៃរបស់ខ្ញុំ។ _វីរៈ វីនិច អ្នកទទួលបានមូលនិធិដំឡើងស្នាដៃថ្មីឆ្នាំ ២០២៤

ខ្ញុំបានទទួលថវិកា ការបណ្តុះបណ្តាល និងបទពិសោធថ្មីៗ ដែលជួយពង្រឹងសមត្ថភាព និងទំនុកចិត្តរបស់ខ្ញុំឱ្យកាន់តែប្រសើរឡើង។ សខអ ជួយឱ្យខ្ញុំអាចចូលរួមអភិវឌ្ឍប្រទេសតាមរយៈសិល្បៈ។_ហ៊ុន រស្មី អ្នកទទួលអាហារូបករណ៍សិល្បៈអមតៈ អាន ចនផន ឆ្នាំ ២០២៤