គម្រោងមូលនិធិដំឡើងស្នាដៃថ្មីក្នុងឆ្នាំ២០២៥នេះ នាំមកជូននូវមូលបទ «វិវត្ត»។ យើងសង្កេតឃើញថាអស់រយៈកាល ៥០ឆ្នាំមកហើយ បន្ទាប់ពីការដួលរំលំនៃទីក្រុងភ្នំពេញនិងការចាប់ផ្តើមនៃរបបខ្មែរក្រហម។ គម្រោងមូលនិធិក្នុងឆ្នាំនេះ មានបំណងរំលេចរឿងរ៉ាវផ្សេងៗអំពី ការវិវត្តរបស់កម្ពុជាតាមរយៈសិល្បករបីជំនាន់។ នេះគឺជាឱកាសក្នុងការឧទ្ទិស និងចងចាំចំពោះព្រឹត្តិការណ៍ប្រវត្តិសាស្រ្តដ៏សំខាន់នេះស្រប ពេលជាមួយគ្នានេះវាក៏ជាពេលវេលាដ៏សំខាន់ក្នុងការឆ្លុះបញ្ចាំង អំពីដំណើរការវិវឌ្ឍរបស់កម្ពុជាផងដែរ។ តើវិស័យសិល្បៈកម្ពុជាមានការ ផ្លាស់ប្តូរយ៉ាងដូចម្តេចខ្លះពីមួយជំនាន់ទៅមួយ ជំនាន់បន្ទាប់ពីសម័យកាលខ្មៅងងឹតនោះ? តើការបង្ហាញចេញនូវរឿងរ៉ាវផ្សេងៗតាមបែប សិល្បៈ (អំពីបរិស្ថាន នគរូប នីយកម្ម ។ល។ ជាទម្រង់ របាំ ល្ខោន តន្រ្តី ក្តី បានផ្លាស់ប្តូរយ៉ាងដូចម្តេចក្នុងបរិបទសង្គមដែលផ្លាស់ប្តូរឥត ឈប់ឈរនេះ?
ក្រោមប្រធានបទ «វិវត្ត» ពួកយើងសូមអញ្ជើញសិល្បករ សហគមន៍សិល្បៈ ដែលជាយុវជនជំនាន់ថ្មីដែលមានសក្ដានុពល និងទេព កោសល្យសិល្បៈឱ្យមកចូលរួមជាមួយពួកយើងក្នុងដំណើរស្វែងរកចម្លើយនិងអត្ថន័យ ដើម្បីឆ្លើយតបទៅនឹងសំណួរខាងលើតាមរយៈការ បង្ហាញនូវស្នាដៃសិល្បទស្សនីយភាពដែលមានភាពច្នៃប្រតិដ្ឋនិងភាពចម្រុះ។
សម្រាប់ឆ្នាំ២០២៥នេះ មូលនិធិដំឡើងស្នាដៃថ្មីនៅតែរក្សារចនាសម្ព័ន ៣ស្រទាប់ដដែលមានដូចជា៖
មូលនិធិទី៣៖ «មូលនិធិសម្រាប់ការធ្វើបទបង្ហាញ» ថវិកាចំនួន ១០០០ដុល្លារអាមេរិក សម្រាប់ឱ្យអ្នកទទួលមូលនិធិយកទៅ ប្រើប្រាស់ដើម្បីដាក់បង្ហាញស្នាដៃនៅពេលបញ្ចប់
មូលនិធិទី១៖ «មូលនិធិសម្រាប់អនុវត្ដគម្រោង» ថវិកាចំនួន ៣០០០ដុល្លារអាមេរិក សម្រាប់ឱ្យអ្នកទទួលមូលនិធិយកទៅអនុវត្ត ដំណើរការនៃការដំឡើងស្នាដៃ
មូលនិធិទី២៖ «មូលនិធិសម្រាប់អ្នកប្រឹក្សាផ្នែកសិល្បៈ» ថវិកាចំនួន ១០០០ដុល្លារអាមេរិក សម្រាប់ឱ្យអ្នកទទួលមូលនិធិធ្វើការ ជាមួយអ្នកប្រឹក្សាផ្នែកសិល្បៈ
ពន្យាពេលទទួលពាក្យរហូតដល់ថ្ងៃទី ១២ ឧសភា ២០២៥
អ្នកទទួលបានមូលនិធិដំឡើងស្នាដៃថ្មីឆ្នាំ ២០២៤
យ៉ូន មុនដែត
យ៉ូន មុនដែត មានអាយុ២៥ឆ្នាំ។ ខ្ញុំមានស្រុកកំណើតនៅភូមិផាវ ឃុំតាវែងក្រោម ស្រុកតាវែង ខេត្តរតនគិរី ខ្ញុំជាជនជាតិដើមភាគតិចព្រៅ (ប្រូវ) ខ្ញុំមានបងប្អូន៥នាក់ក្នុងគ្រួសារ។ ខ្ញុំបានបញ្ចប់ថ្នាក់វិទ្យាល័យនៅឆ្នាំ ២០១៧ នៅខេត្តរតនគិរី។ ឥឡូវនេះ ខ្ញុំបានបញ្ចប់ថ្នាក់បរិញ្ញាបត្រនៅសាកលវិទ្យាល័យភូមិន្ទវិចិត្រសិល្បៈ ផ្នែកតូរ្យតន្ត្រី លើជំនាញហ្គីតាក្លាស៊ិក។ ខ្ញុំសម្រេចចិត្ត រៀនជំនាញនេះ ព្រោះខ្ញុំចង់ក្លាយជា សិល្បៈក អ្នកនិពន្ធ ចម្រៀង និងជាគ្រូបង្រៀនតន្ត្រី។ ខ្ញុំ ចង់ប្រើជំនាញនេះ ដើម្បីលើកកម្ពស់ និងអភិរក្សតន្ត្រីប្រពៃណីរបស់ជនជាតិដើមភាគតិច និងតន្ត្រីប្រពៃណីខ្មែរផងដែរ ។
វីរៈ វិនិច
វីរៈ វិនិច ជាតារាសម្ដែងអាជីព និងជាអ្នកដឹកនាំរឿងនៅក្នុងប្រទេសកម្ពុជា។ នាងក៏ធ្វើការជាទីប្រឹក្សាបច្ចេកទេសផ្នែកទំនាក់ទំនងការផ្លាស់ប្តូរឥរិយាបថសង្គមសម្រាប់អង្គការក្រៅរដ្ឋាភិបាលអន្តរជាតិមួយផងដែរ។ នាងបានហ្វឹកហាត់ជាតារាសម្តែងអាជីពនៅសាលាសិល្បៈសម្តែង (The Acting Art Academy) រយៈពេល២ឆ្នាំ ដែលនាងទទួលបានឱកាសសម្តែង និងបទពិសោធន៍ជាច្រើនក្នុងការសម្តែងសិល្បៈ។ ដើម្បីស្វែងយល់ស៊ីជម្រៅក្នុងសិល្បៈ និងភាពយន្ត នាងបានសាងពីចំណង់ចំណូលចិត្ត និងការតាំងចិត្តក្នុងការសរសេរ និងការដឹកនាំ។ នាងសង្ឃឹមថានឹងឃើញមានការរីកចម្រើនរបស់សិល្បករខ្មែរវ័យក្មេង និងថាមពលរួមតាមរយៈការងាររបស់នាង។
គឹម សុជាតិ
គឹម សុជាតិគឺជាសមាជិកក្រុមរបស់រាំរបស់អង្គការអេពិកអាត ខេត្តកំពត។ ពេលឥលូវនេះគាត់កំពុងតែបន្ដបេសកម្មជាអ្នករបាំសហសម័យមួយរូបផងដែរ។ គាត់ពេញចិត្តជាខ្លាំងក្នុងការក្លាយជាអ្នករបាំសហសម័យដែលមានពិការភាពមួយរូបនៅក្នុងប្រទេសកម្ពុជា។ គាត់ព្យាយាមបន្ដការងារមួយនេះ ដោយសារតែគាត់មានបំណងចង់លើកស្ទួយវិស័យពិការភាព ក្នុងវិស័យសិល្បៈអោយមានភាពទូលំទូលាយសម្រាប់បងប្អូនមានពិការ។
វង្ស វណ្ណៈ
លោក វង្ស វណ្ណៈ ជាសិល្បករអាជីពដែលការងារប៉ិនប្រសប់របស់គាត់រួមបញ្ជូលនូវការរចនា ការសម្តែង ការដឹកនាំសិល្បៈ និងការផ្ទេរចំណេះដឹងដល់ក្មេងជំនាន់ក្រោយផងដែរ។ សព្វថ្ងៃគាត់ជាគ្រូបង្ហាត់សៀកនៅសាលាមធ្យមវិចិត្រសិល្បៈ និង ជាគ្រូបង្រៀនម៉ោងមុខវិជ្ជាតុបតែងសំលៀកបំពាក់នៅសាកលវិទ្យាល័យភូមិន្ទវិចិត្រសិល្បៈ។ វណ្ណៈបានចូលរួមយ៉ាងសកម្មក្នុងវិស័យសិល្បៈទស្សនីយភាព និងការច្នៃម៉ូតសំលៀកបំពាក់ដែលគាត់មានគោលបំណងចូលរួមផ្សព្វផ្សាយ អភិរក្សនិងអភិវឌ្ឍន៍សិល្បៈវប្បធម៌ខ្មែរអោយមាននិរន្ត៍ភាព និងចង់បណ្តុះមនសិកាធនធានមនុស្សជំនាន់ក្រោយអោយមានចំណេះដឹងប្រកបដោយគុណភាពនៅក្នុងបរិបទសង្គមបច្ចុប្បន្ន។
រៀបចំដោយ៖
ផ្ដល់មូលនិធិដោយ៖
