បង្សុកូល៖ ការរំឭកដល់កម្ពុជា គឺជាស្នាដៃនិពន្ធថ្មីមួយដ៏អស្ចារ្យដែលមានលក្ខណៈជា តន្រ្តី សំឡេង ចលនា និងរូបភាព។ នេះជាស្នាដៃធំដំបូងគេស្ដែងពីស្នាមរបួសផ្លូវចិត្តរបស់ប្រជាជនកម្ពុជាចុងទសវត្សរ៍ឆ្នាំ១៩៧០។ នេះជាស្នាដៃដែលរួមបញ្ចូលវង់តន្ត្រីបុរាណខ្មែរ នឹងវង់តន្ត្រីបស្ចិមប្រទេស។ ហើយ “បង្សុកូល” ជាឈ្មោះពិធីមួយក្នុងបុណ្យសពបែបព្រះពុទ្ធសាសនា។ ស្នាដៃនេះ រៀបរាប់ពីសាច់រឿងមួយដ៏សំខាន់ និងមានតម្លៃជាសកល ជារឿងរ៉ាវក្នុងសង្គមមួយដែលសីលធម៌ត្រូវបានបំផ្លាញចោល និងការវិលត្រលប់មនុស្សធម៌តាមរយៈការផ្សះផ្សា និងការដោះស្រាយបញ្ហាផ្លូវចិត្ត។
យើងបានបើកទទួលពាក្យស្នើសុំមូលនិធិ “ដាំដុះ” ចាប់ពីពេលនេះតទៅ! មូលនិធិនេះ បង្កើតឡើងដើម្បីជួយដល់សិល្បករ និងអ្នកបម្រើការក្នុងវិស័យសិល្បៈ និងវប្បធម៌ក្នុងការដឹកនាំធ្វើគម្រោងច្នៃប្រឌិតថ្មីៗ ក៏ដូចជាការជួយពង្រឹងជំនាញរបស់ខ្លួនតាមរយៈការចូលរួមវគ្គបណ្ដុះបណ្តាល សិក្ខាសាលា និងសន្និសីទជាដើម។ យើងមានបំណងបង្កើតឲ្យមានឱកាសនានាដល់សិល្បករ និងក្រុមសិល្បករធ្វើការអភិវឌ្ឍវិស័យសិល្បៈ និងវប្បធម៌នៅកម្ពុជា ជាពិសេសសម្រាប់អ្នកដែលពុំធ្លាប់ទទួលបានឱកាសនេះពីមុនមក។
យើងចាប់ទទួលពាក្យស្នើសុំអាហារូបករណ៍សិល្បៈអមតៈ អាន ចនផន ចាប់ពីនេះតទៅ!
យើងត្រូវការជ្រើសរើស ប្រធានប្រតិបត្តិការ និងធនធានមនុស្ស សម្រាប់ការងាររៀបចំ និងសម្របសម្រួលកិច្ចការរដ្ឋបាល និងដំណើរការការិយាល័យ ដើម្បីអាចសម្រេចបានលទ្ធផលការងារល្អប្រសើរ និងដោយរលូនភាព។ បេក្ខជនត្រូវមានចំណេះដឹងចាត់ចែងការងារ ភាពបត់បែន និងអាចផ្ដល់ជំនួយការងាររដ្ឋបាលយ៉ាងល្អប្រសើរសម្រាប់អង្គភាពមួយដែលកំពុងរីកធំធាត់និងភាពចម្រុះគ្នានៃបុគ្គលិកយើង។
ចំណេះដឹង បណ្ដាញ និងគោលនយោបាយ
យើងត្រូវការជ្រើសរើស ជំនួយការក្រៅម៉ោង សម្រាប់កម្មវិធីចំណេះដឹង បណ្ដាញ និងគោលនយោបាយ។ រួមមានការងាររៀបចំឯកសារ សម្របសម្រួលដំណើរការសុំលិខិតទិដ្ឋាការ ភស្តុភារ បកប្រែឯកសារ ធ្វើរបាយការណ៍។ បេក្ខជនត្រូវមានចំណេះដឹងរៀបចំការងារល្អប្រសើរ ភាពបត់បែន និងអាចផ្ដល់ជំនួយការងាររដ្ឋបាលយ៉ាងល្អប្រសើរ មានចំណេះដឹងភាសាខ្មែរ និងអង់គ្លេសល្អ និងអាចទំនាក់ទំនងតាមអ៊ីម៉ែលបាន។
សម្រាប់កម្មវិធីពិសោធសិល្បៈខ្មែរអមតៈ
យើងត្រូវការជ្រើសរើស ប្រធានអភិវឌ្ឍន៍អាជីវកម្មសម្រាប់កម្មវិធីពិសោធសិល្បៈខ្មែរអមតៈ។ បេសកកម្មរបស់យើងគឺបង្កើតគំរូមួយក្នុងការផ្ដល់ជូនបទពិសោធន៍វប្បធម៌ខ្មែរប្រកបដោយភាពច្នៃប្រឌិត និងគួរជាទីពេញចិត្ត ដែលនឹងអាចជួយអភិវឌ្ឍន៍ឧស្សាហកម្មសិល្បៈទស្សនីយភាពប្រកបដោយភាពរស់រវើក និងមានការទទួលខុសត្រូវសម្រាប់កម្ពុជា។ ប្រធានអភិវឌ្ឍន៍អាជីវកម្ម នឹងត្រូវជួយបង្កើតនិរន្តរភាពក្នុងវិស័យសិល្បៈនៅកម្ពុជាតាមរយៈកម្មវិធីសហគ្រាសជាច្រើនរបស់យើង។
អប់រំសិល្បៈ និងវប្បធម៌
យើងត្រូវការជ្រើសរើស ប្រធានកម្មវិធីដែលមានភាពជឿជាក់ និងភាពសម្របខ្លួនខ្ពស់ និងចាប់អារម្មណ៍ការងារអប់រំសិល្បៈ និងវប្បធម៌ សម្រាប់ដឹកនាំកម្មវិធីសាកល្បងមួយរបស់យើង។ បេក្ខជន មានបទពិសោធន៍ធ្វើការជាមួយក្រសួងអប់រំ យុវជន និងកីឡា និងមានចំណាប់អារម្មណ៍ទៅលើសិល្បៈ និងវប្បធម៌ខ្មែរ ព្រមទាំងភាពច្នៃប្រឌិតផងដែរ។
កម្មវិធីអប់រំសិល្បៈ និងវប្បធម៌
យើងត្រូវការជ្រើសរើស អ្នកសម្របសម្រួលកម្មវិធីក្រៅម៉ោងសិក្សា សម្រាប់ការងារដឹកនាំ និងសម្របសម្រួលសកម្មភាពក្លឹបសិល្បៈ សិក្ខាសាលា ការសម្ដែង បាឋកថាសិល្បករ និងការបញ្ចាំងភាពយន្ត នៅវិទ្យាល័យព្រះស៊ីសុវត្ថិ។ បេក្ខជន គឺជាអ្នកមានចំណាប់អារម្មណ៍ទៅលើវិស័យអប់រំសិល្បៈ មានភាពបត់បែនខ្ពស់ និងយល់ដឹងពីរបៀបរបបការងារក្នុងវិស័យនេះ។
យើងត្រូវការ ប្រធានគម្រោងសម្រាប់កម្មវិធីអប់រំសិល្បៈ និងវប្បធម៌។ ប្រធានគម្រោង នឹងត្រូវមានតួនាទីគ្រប់គ្រង និងអនុវត្តគម្រោងអប់រំសិល្បៈ និងវប្បធម៌សម្រាប់រយៈពេល១២ – ២៤ខែបន្ទាប់។ នៅដើមឆ្នាំ២០១៧ យើងបានដាក់ចេញផែនការយុទ្ធសាស្ត្រគម្រោងប្រាំឆ្នាំក្នុងការបង្កើតគំរូដ៏មានប្រសិទ្ធភាពក្នុងការដាក់បញ្ចូលការអប់រំសិល្បៈ និងវប្បធម៌ទៅក្នុងកម្មវិធីសាលារដ្ឋដោយសហការជាមួយក្រសួងអប់រំ យុវជន និងកីឡា ក្រសួងវប្បធម៌ និងវិចិត្រសិល្បៈ និងអង្គការយូណេស្កូ។
សូមផ្ញើពាក្យសុំរបស់អ្នកមកកាន់ frances@cambodianlivingarts.org.
យើងត្រូវការ គ្រូបង្គោលចំនួនមួយរូបក្នុងការរៀបចំសិក្ខាសាលាជំនាញនិទានរឿងរយៈពេលប្រាំពីរថ្ងៃ សម្រាប់ខែកុម្ភៈ ឆ្នាំ២០១៨។ សិក្ខាសាលានេះ គឺសម្រាប់អ្នកចូលរួម ១០នាក់ ដែលមានជំនាញសិល្បៈខុសៗគ្នា តែមានបទពិសោធន៍តិចតួច ឬមិនធ្លាប់មានបទពិសោធន៍ជំនាញនិទានរឿងពីមុនមក។ បេក្ខជនដែលត្រូវបានជ្រើសរើស ត្រូវមានបទពិសោធន៍ក្នុងការសរសេរសាច់រឿងសម្ដែងលើឆាក (ល្ខោន) មានបទពិសោធន៍បង្រៀន / រៀបចំសិក្ខាសាលា និងមានចំណេះដឹង និងចំណាប់អារម្មណ៍លើទម្រង់ផ្ទាំងទស្សនីយភាពនៅតំបន់អាស៊ីអាគ្នេយ៍ ជាពិសេសទម្រង់ល្ខោន។ ចាប់ទទួលពាក្យសុំពីថ្ងៃនេះតទៅរហូតដល់ថ្ងៃទី ១៥ ខែមករា ឆ្នាំ២០១៨។
យើងកំពុងស្វែងរក អ្នកសម្របសម្រួលកម្មវិធីអភិវឌ្ឍន៍សិល្បៈ។ តួនាទីសំខាន់ៗរួមមាន ការគ្រប់គ្រងផលិតកម្មសម្រាប់ការសម្ដែង និងមហោស្រព រដ្ឋបាល គ្រប់គ្រង និងពិនិត្យថវិកា ការអនុវត្តកម្មវិធី ផ្សព្វផ្សាយកម្មវិធី និងរៀបចំរបាយការណ៍។ ចាប់ទទួលពាក្យរហូតដល់ថ្ងៃទី ១៨ ខែមីនា ២០១៨។
ការស្វែងរកអត្តសញ្ញាណ
រដូវវប្បធម៌លើកទីមួយរបស់សិល្បៈខ្មែរអតមៈ នឹងប្រព្រឹត្តិទៅរយៈពេលបីខែ រួមមានការសម្ដែង វេទិកាពិភាក្សា ការបញ្ចាំងភាពយន្ត ពិព័រណ៍រូបថត និងសិក្ខាសាលានានា ពីខែកក្កដា ដល់កញ្ញា ឆ្នាំ២០១៨។ កម្មវិធីទាំង់អស់ សុទ្ធតែត្រូវបានជ្រើសរើស និងសម្រិតសម្រាំង ជុំវិញប្រធានបទ «ការស្វែងរកអត្តសញ្ញាណ»។ តាមរយៈកម្មវិធីទាំងនេះ យើងចង់ឲ្យមានការចាប់ផ្ដើមកិច្ចសន្ទនាក្នុងចំណោមទស្សនិកជន និងសិល្បករ ព្រមទាំងបំផុសសំនួរពាក់ព័ន្ធនឹងការយល់ឃើញអំពី អត្តសញ្ញាណ ជាពិសេស «អត្តសញ្ញាណកម្ពុជា»។
កម្មវិធីពិសោធសិល្បៈខ្មែរអមតៈ ជាសហគ្រាសវប្បធម៌មួយរបស់យើង កំពុងប្រកាសជ្រើសរើស ប្រធានអភិវឌ្ឍន៍អាជីវកម្មមួយរូប សម្រាប់ការងារកសាង និងពង្រឹងនិរន្តរភាពក្នុងវិស័យសិល្បៈនៅកម្ពុជា ក្រោមគំនិតផ្ដួចផ្ដើមសហគ្រាសរបស់យើង។ តួនាទីចម្បង គឺបង្កើនប្រាក់ចំណូលពីការសម្ដែង សិក្ខាសាលា និងកម្មវិធីវប្បធម៌នានារបស់យើង។ អំពីគោលដៅក្នុងរយៈពេល ៣ឆ្នាំ កម្មវិធីពិសោធសិល្បៈខ្មែរអមតៈ នឹងអាចផ្គត់ផ្គង់ប្រតិបត្តិការរបស់ខ្លួនផង និងផ្គត់ផ្គង់មូលនិធិដល់កម្មវិធីផ្សេងទៀតរបស់សិល្បៈខ្មែរអតមៈ ជាពិសេសកម្មវិធីដែលពាក់ព័ន្ធនឹងការបណ្ដុះបណ្ដាល និងអភិវឌ្ឍន៍សិល្បករ។
ចាប់ទទួលពាក្យរហូតដល់ថ្ងៃទី ២៧ ខែកក្កដា ២០១៨។
យើងត្រូវការជ្រើសរើស នាយកប្រចាំប្រទេសមួយរូបដែលមានបទពិសោធន៍ខ្ពស់ សម្រាប់ការងារគ្រប់គ្រងប្រតិបត្កិការជារួមនៅអង្គការសិល្បៈខ្មែរអមតៈ ដោយផ្ដោតជាពិសេសលើ ការគ្រប់គ្រងប្រតិបត្តិការ ការអភិវឌ្ឍ និងការគ្រប់គ្រងគម្រោង។ នាយកប្រចាំប្រទេស ក៏ជាអ្នកនាំពាក្យរបស់សិល្បៈខ្មែរអមតៈផងដែរ ព្រមទាំងតួនាទីភ្ជាប់ទំនាក់ទំនង និងភាពជាដៃគូសម្រាប់សិល្បៈខ្មែរអមតៈ និងការងាររៃអង្គាសមូលនិធិ។
ចាប់ទទួលពាក្យរហូតដល់ថ្ងៃទី២ ខែកញ្ញា ឆ្នាំ២០១៨។
ភាគច្រើននៃម្ចាស់ជំនួយ គឺនៅសហរដ្ឋអាមេរិក ហើយផែនការយុទ្ធសាស្ត្រថ្មីរបស់យើង គឺបន្តពង្រឹងប្រតិបត្តិការស្វែងរកមូលនិធិគាំទ្រ ដោយកសាងទំនាក់ទំនងដែលមានស្រាប់ឲ្យយកាន់តែស៊ីជម្រៅ និងស្វែងរកម្ចាស់មូលនិធិថ្មីៗផងដែរ។ តួនាទីរបស់ប្រធានផ្នែកអភិវឌ្ឍន៍ គឺគាំទ្រការងារនេះ ព្រមទាំងរាយការណ៍ទៅនាយកនៅភ្នំពេញ និងធ្វើការជិតស្និទ្ធជាមួយសមាជិកក្រុមការងារនៅកម្ពុជា។ តួនាទីនេះ ជាតំណែងជាន់ខ្ពស់នៅការិយាល័យអភិវឌ្ឍន៍ និងបំពេញការងារពេញម៉ោង ប្រចាំនៅសហរដ្ឋអាមេរិក។
ចាប់ទទួលពាក្យរហូតដល់យើងជ្រើសបានបេក្ខជន។
យើងកំពុងស្វែងរក អ្នកសម្របសម្រួលគម្រោងនៅមជ្ឈមណ្ឌលបេតិកភណ្ឌ ខេត្តសៀមរាប។ ការងារសំខាន់ៗរួមមាន រៀបចំសិក្ខាសាលា វគ្គបណ្ដុះបណ្ដាល ការសម្ដែង សន្និសីទ ទទួលប្រតិភូវប្បធម៌ សម្របសម្រួលដំណើរទស្សនកិច្ចជាលក្ខណៈគ្រួសារ/សាលា និងកម្មវិធីអាហារូបករណ៍។ ចាប់ទទួលពាក្យរហូតដល់ថ្ងៃទី ២៦ ខែកុម្ភៈ ២០១៨។
